ФИФА се соочува со бура прашања за кои се бара одговор откако познатиот готвач Нусрет Гокче – попознат како Солт Бае – некако доби пристап до теренот на стадионот Лусаил по финалето на Светското првенство и беше виден како го допира златниот трофеј.
Гокче беше виден како го зграпчува капитенот на Аргентина Лионел Меси во обид да му го привлече вниманието.
Славниот готвач остана на теренот меѓу славните аргентински играчи и ги прекрши строгите правила на ФИФА за тоа кој може да го допре трофејот на Светското првенство – кој Меси и Ко го подигнаа по неверојатното финале кое заврши со пенали.
Владејачкото тело на фудбалот има многу строги правила околу трофејот, а на нивната веб страна постои и специфичен список на оние на кои им е дозволено навистина да го допрат.
Оригиналниот трофеј на Светското првенство на ФИФА може да го допре и држи само одбрана група на луѓе, која вклучува поранешни победници на Светското првенство на ФИФА и шефови на држави.
Иако е близок пријател со претседателот на ФИФА, Џани Инфантино, Гокче – сопственик на ланец ресторани за бифтек – не исполнува ниту еден од горенаведените критериуми и атоа се смеа дека правилата се прекршени.
Турски готвач некако го нападна теренот на стадионот Лусаил откако Аргентина го освои Светското првенство во Катар и се турна меѓу фудбалерите и ги замоли да се сликаат, ги допре нивните медали и позираше со трофејот. Во еден момент почна да го фаќа Меси и да бара од него слика. Тој го влечеше за рака, а Меси го погледна, го измери и ладно се сврте и продолжи да се поздравува со останатите, целосно игнорирајќи го Нусрет.
Извор: Гламур.Мк
