Илија Спасески, кој го нападна секретарот на бугарскиот клуб “Цар Борис Трети”, Христијан Пендиков, останува во притвор од 30 дена, одлучи судот во Охрид на барање на обвинителството.
24-годишниот маж е обвинет за предизвикување на тешка телесна повреда. Од ударите Пендиков се здобил со повреди на пршлените, ребрата и вилицата. Тој има и тешки повреди на главата. Постапката се уште е во тек и за другите двајца кои биле присутни на инцидентот. Делегацијата на ЕК во Скопје и побара надлежните да го истражат случајот.
24-годишниот маж е обвинет за предизвикување на тешка телесна повреда. Од ударите Пендиков се здобил со повреди на пршлените, ребрата и вилицата. Тој има и тешки повреди на главата. Постапката се уште е во тек и за другите двајца кои биле присутни на инцидентот. Делегацијата на ЕК во Скопје и побара надлежните да го истражат случајот.
Илија Спасески, кој му зададе низа брутални удари во грбот на Пендиков, е професионален натпреварувач во џиу џицу. Член е на карате клубот „Кун-су-то“ од Охрид. Спасески учествуваше на професионални натпревари и од нив освои бројни награди.
Бидејќи повредениот, пред да замине со бугарски владин авион на лекување во Софија, постојано ги менувал изјавите околу настанот, Oбвинителството вели дека очекува да се разјасни случајот, со распит на главниот осомничен и останатите сведоци или евентуални учесници. Се очекува да се утврди – дали навистина осомничениот првин во кафеаната го удрил по глава Х. П. и му кажал: „Нели ти е срам да се пишиш Бугарин“.
Според информации од истргата, пред да се случи инцидентот Х. П. во локалот седел со девојка. Влегле 5 луѓе, меѓу кои и главниот осомничен, се спречкале.
По таа вербална расправија и меѓусебни пцовки, петмината си заминале, а Х. П. излегол надвор. Во споредна уличка зад локалот биле тројца и еден од нив го натепал и тешко го повредил. Безбедносната камера на угостителскиот објект не работела, но имало снимки од камерите на една од куќите во близината.
Веројатно сè уште без болки, Х. П. отишол во полиција и самиот го пријавил настанот. Таму кажал дека првин ќе оди в болница, па пак ќе се врати да даде изјава.
Во меѓувреме, според извори од истрагата, се вжештила линијата Софија – Скопје, па дежурните полицајци отишле да го бараат момчето во болница. Го нашле на Oдделението за уво нос и грло (ОРЛ), каде прво бил третиран. Од Општата болница, поради сериозноста на повредите, лекарите одлучиле да го пренесат во Специјалната ортопедска болница „Свети Еразмо“ , каде бил ставен на интензивна нега и посматрање.
Откако преноќи таму, вчера бугарски владин авион го зеде и го однесе Х. П. во Софија за таму да се лекува.
Пишува: Сдк.Мк
