16.9 C
Ohrid
вторник, мај 28, 2024
ПочетнаМакедонијаЗамената на регистарските таблички со ознаката НМК ќе чини од 1 400...

Замената на регистарските таблички со ознаката НМК ќе чини од 1 400 до 1 500 денари

За замена на регистарските таблички на возилата со нови со ознаката НМК, граѓаните ќе плаќаат од 1 400 – 1 500 денари. Од нив, 200 денари се за нова сообраќајна дозвола, а 1 200 или 1 300 чинат новите таблички во зависност од нивната форма.

Сопствениците на возила кои имаат таблички со ознаката МК мора да ги заменат со нови заклучно со 12 февруари 2024 година.

„Сопствениците на возилата треба да поднесат барање за промена на регистарски таблици во овластени станици за технички преглед каде врз основа на барањето на шалтерот на МВР се поднесува барањето за промена на регистарски таблици и од страна на референтот на МВР се издава нова сообраќајна дозвола и нови регистарски таблици на трошок на сопственикот на возилото. Цената на сообраќајната дозвола е 200 денари, а цената на регистарските таблици е 1 200 до 1 300 денари во зависност од обликот на регистарската таблица“, информираат од МВР.

За да се направи промената, сопственикот на шалтер мора да приложи лична карта (ако е фирма тогаш тековна состојба од Централен регистар), сообраќајна дозвола и старите таблички. Уплатата, пак, може да ја направи во банка или преку пост терминал на самото место.

Според Законот за возила, ако некое е во сообраќај со поинакви регистарски таблици од пропишаните предвидена е казна од 100 евра.

Обврската за промена на табличките со новата ознака НМК ја наметнува членот 25 од Законот за возила и членот 28 од Правилникот за форма и содржина на образецот за издавање таблички.

Законските измени за промена на ознаката на табличките дојдоа како резултат на Преспанскиот договор што земјава во потпиша со Грција во јуни 2018 година.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Силјановска Давкова: На венецот сакав да пишува РС Македонија, но немаше место

Претседателката Гордана Силјановска Давкова објасни зошто на венецот што го положи на гробот на сесловенските просветители, браќата Кирил и Методија во Рим, не го...

Змија во мензата во студентскиот дом „Стив Наумов“

Директорот на Државниот студентски дом Скопје (ДСД Скопје), Виктор Велевски за Мета.мк потврди дека змијата влегла во студентската менза и дека институцијата е запознаена...

Гром удрил во авионот на македонските одбојкари

Враќањето на македонските одбојкари кои учествуваа на турнир од Европската златна лига во Белгија е пролонгирано, бидејќи вчера гром удрил во авионот за време...

Арбен Таравари ќе биде министер за здравство

Актуелниот градоначалник на општина Гостивар Арбен Таравари ќе биде идниот министер за здравство во Владата предводена од ВМРО-ДПМНЕ, дознава ТВ21. Таравари, воедно беше и претседателски...