Откако бугарските власти најавија дека секретарот на бугарскиот клуб „Цар Борис Трети“ во Охрид, Христијан Пендиков, ќе добие свое лично обезбедување зашто стравувал за својот живот, тоа вчера било и официјално потврдено на средбата која Пендиков ја одржал со министерот за внатрешни работи на Бугарија, Иван Демерџиев.
Тој се обврзал да го обезбедува Пендиков за да му ја гарантира безбедноста. Претходно бугарскиот министер за внатрешни работи побара нова средба со министерот за внатрешни работи Оливер Спасовски откако на 4 февруари бугарски граѓани не влегоа во Македонија за чествувањето на Гоце Делчев.
