И’ покрај ужасните околности во кои е создадена, една фотографија од Турција успеа да донесе насмевка на лицата на твитерџиите.
На неа се гледа човек кој е извлечен од урнатините два дена по разорниот земјотрес во Турција, но она што на многумина им паднало во очи е тоа што држел цигара во рака додека спасувачките екипи го ставале на носилка.
Видеото го објави турското Министерство за одбрана, кое соопшти дека е снимено во уништен станбен комплекс во Адијаман во средата наутро. Станува збор за Сонер Тугтекин, а на снимката се слуша како членот на брзата помош на турски вели: „Вујче, само фрли ја таа цигара и легни на грб. Ќе ти дадат нова кога ќе стигнеме до болница“.
И покрај тоа што спасувачот му рекол да ја фрли цигарата, човекот продолжил да се обидува да ја испуши. Беше објавено дека рекол дека попрво би пушел цигара отколку да оди во болница.
Еден од коментарите на Твитер беше: „Се насмеав“, а многумина напишале дека спасениот човек кој едвај чекал да запали цигара е бескрајно сладок.
„Трагично но разбирливо“, „Ова е единственото нешто што ме насмеа во последната недела“, „Ова е една од легендарните фотографии“, „Ова ме натера да се кикотам“, се само дел од коментарите.
Видеото погледнете го со клик ТУКА.
