Џафери се изнервира кога Јанушев го спомна син му, па дрско му врати: Син ми не се шета по судници, не можеш да го видиш дрогиран а такви како тебе на малиот прст да му се фатат.

Пратеникот Игор Јанушев од ВМРО-ДПМНЕ од собраниската говорница читаше вести, меѓу кои беше и веста дека синот на собранискиот спикер Талат Џафери без правосуден се запишал на Академијата за обвинители.

На ова реагираше Џафери, по што дојде до караница и меѓусебни навреди.

Игор Јанушев, на синот на Талат Џафери не можеш да му дојдеш ни до малиот прст. Прво до малиот прст не можеш да дојдеш. Слушај сега, на синот на Талат Џафери ни ти ни многу од вас тука не можете да му дојдете до малиот прст. Второ, синот на Талат Џафери не се шета по судници. Синот на Талат Џафери не можеш да го видиш дрогириан. Ако имаш работа со мојот син оди да се видиш. А кој има проблем со децата нека оди да си ги најде – рече Џафери.