15.9 C
Ohrid
понеделник, април 15, 2024
ПочетнаМакедонијаГинекологот Митко Киров ослободен од обвинение откако на пациентката Тања Атанасова ѝ...

Гинекологот Митко Киров ослободен од обвинение откако на пациентката Тања Атанасова ѝ ги подврза двата мочоводи, таа е огорчена: Барам правда, не пари!

Основниот суд Струмица го ослободи гинекологот Митко Киров од обвинение за кривичното дело „тешки дела против здравјето на луѓето“. Гинекологот и поранешен пратеник во Собранието од редовите на ВМРО-ДПМНЕ, според обвинението кое е отфрлено од страна на судот, при вршење на хируршко отстранување на матката – ги подврзал и мочоводите на 43-годишната пациентка Тања Атанасова од Валандово поради што било предизвикано тешко нарушување на работата на бубрезите и доколку таа дополнително не била оперирана, можело да почине.

Атанасова за „Слободен печат“ вели дека креатининот ѝ бил 1100, иако нормалната вредност е 100. Таа е шокирана и незадоволна од првостепената пресуда и бара правда. После операцијата се бори со депресија, анксиозност, а спасувањето на животот се одвивало во приватната болница „Систина“, затоа што на Ургентен центар во Скопје не ја примиле со итноста која нејзиниот случај ја барал, па на семејството не му се ризикувало да чека.

На 21 јуни 2021 година, отидов на операција, за да вадам матка во Општата Болница Струмица поради миом. Претходно крварев, дури и примав крв и со препорака од гинеколог – отидов во Струмица. Операцијата ми ја закажа и изведе доктор Митко Киров. Дента на операцијата, јас бев меѓу првите пациентки. Кога се освестив, го видов докторот, ми рече дека сум добра, дека матката е извадена и испратена во Скопје на испитување. После операцијата, додека лежев во болничкиот кревет, повраќав и многу ми се лошеше. Вечерта кога дојде сопругот да ме посети, му кажав дека не мокрам и го замолив да ми купи вода, да се обидам да мокрам. И вториот ден воопшто не мокрев, а освен повраќањето и лошењето, имав големи отоци на нозете. Веќе вечерта повикаа уролог, доктор Василев. И тој рече – дали е можно да и се подврзани и залепени мочоводите на жената? Веднаш ме однесоа на снимање. Откако ме качија на спрат, тотално на моменти ја губев свеста. Не знаев што се случува, не бев при себе. Ме качија во амбулантно возило во кое немаше доктор, туку само со сестра и со шофер да одам за Скопје. Кога стигнавме на Клиника во Ургентен центар, беше многу рано изутрината. Додека чекавме смена на доктори, чекањето стана неподносливо. Креатенинот ми беше 1100, а нормалната вредност е 100. Ќерка ми е студент по медицина, шеста година и таа кажа „тато, работата не ја бива, ја губиме мама“. Не можеше да чекаме и право во „Систина“ ме однесоа. Таму ме прими доктор нефролог, кој препорача два дена да сум на дијализа. После дијализата се вратив во живот, раскажува за „Слободен печат“ Атанасова. ЗА ПОВЕЌЕ ДЕТАЛИ НА СЛОБОДЕН ПЕЧАТ

spot_img
spot_img
ПОВРЗАНИ СТАТИИ

Најпопуларни

Повеќе постови

Влада: 24 април и 8 мај се неработни денови, се препорачува и приватниот сектор да не работи

Деновите кога ќе се одржат изборите за претседател на Македонија и за пратеници во Собранието се прогласени за неработни денови за сите граѓани на...

Пецаков уште еднаш им одговори на сите што сакаат да го оцрнат предизборно !

🗣Со оглед на тоа дека бев прозван од некои иницијативи и медиуми во врска со изградба на хотел во месноста Горица, а во интерес...

Голема акција во Идризово: Уапсени 17 затворски полицајци, веќе се однесени во Суд

Во голема акција во затворот Идризово утрово, уапсени се 17 припадници на затворската полиција, кои веќе се во Суд. Акцијата ја води Обвинителството за организиран...

О2: Мијалкови започнаа да градат луксузен хотел во Охрид, уништена шума стара 70 години

Во Охрид, над Горица 3 започнува градба на хотел, а за таа цел е унишена стара шума над 70 години која ја засадиле жители...