20.9 C
Ohrid
вторник, јули 23, 2024
ПочетнаМакедонијаСпасовски: Очекувам во текот на денот да биде расчистен инцидентот во Бутел

Спасовски: Очекувам во текот на денот да биде расчистен инцидентот во Бутел

Министерот за внатрешни работи Оливер Спасовски во врска со синоќешниот инцидент со пукање во Бутел во кој меѓу нападнатите има и полициски службеник, изјави дека се приведени две лица, а се трага по уште тројца.

-Станува збор за напад врз неколку лица, едно од тие лица е полициски службеник. Лишени од слобода се две лица. Има лица кои со другото возило практично го напуштиле лице местото. Очекувам дека наскоро и тие ќе бидат приведени кон лицето на правдата, рече Спасовски, на новинарско прашање на заедничката прес – конференција со неговиот босански колега Ненад Нешиќ.

Тој појасни дека според класификацијата, се работи за насилство.

– Очекувам дека во текот на денот ќе завршат сите активности во однос на расчистување на целиот овој случај и дека повредените, ќе закрепнат. Важно е да тие лица бидат изведени пред лицето на правдата и да понесат одговорност, нагласи министерот.

Тој појасни дека во едно од возилата биле три лица, две од нив се приведени. Во другото возило имало уште две лица.

Запрашан до каде е постапката со случајот во „Шиша бар“ и дали можеби тој е поврзан со синоќешниот инцидент, министерот одговори дека има напредок во истрагата. Според првични проценка, смета дека нема поврзаност на овие случаи, но оти треба да се почека целосно да заврши истрага.

Секако, во истрагата се утврдуваат и повеќе информации и податоци. Тоа го даваат и криминалистичките истраги, вештачењата што ги имаме. Мотивите се криминални пресметки на одредени структури, секако дека подетално за мотивите ќе кажеме на крајот од истрагата. Меѓутоа тоа ќе биде во фаза кога ќе бидат прибрани сите докази и кога ќе можеме да соопштиме во јавноста. Сепак истрагата треба да ја водиме на ниво на институции, одговори Спасовски.

Тој нагласи дека сите активности што се потребни во делот на криминалистичките истраги се преземаат и на основа на наредбите што ги дава јавниот обвинител, течат вештачењата и утврдувањето на сите докази. Нагласи дека првично треба да се видат мотивите за синоќешниот напад.

Министерот нагласи дека граѓаните на Република Северна Македонија треба да бидат спокојни за својата безбедност.

– Заради тоа што институциите се тука и тие ја бранат безбедноста, јавниот мир и ред, во секој поглед. Мирот и стабилноста на граѓаните се приоритет број еден, рече Спасовски.

Тој додаде дека „според Меѓународниот индекс за мир, што ги следи сите аспекти во делот на безбедноста, Република Северна Македонија е рангирана како една од најбезбедните на Балканот, 35-та на листата по безбедност, во светот“.

Запрашан за полицаец од Велес што ширел омраза на интернет, тој рече дека се преземени мерки од страна на внатрешната контрола. Во тој дел, додаде, зајакнати се инструментите и покрај внатрешна контрола, постои надворешен механизам на контрола во Канцеларијата на Народниот правобранител, а формирано е и посебно одделение во јавното обвинителство, до кои се процесуираат случаите.

spot_imgspot_img
spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Левица: Тежок криминал во „Кромберг и Шуберт”- Врз грбот на работниците

​​​​Неколку дена во фабриката „Кромберг и Шуберт” е присутна финансиска полиција поради сомневање за проневера на милионски суми. Криминалниот ланец помеѓу управата во најпрофитабилниот...

На 26-07 во петок, свечено отварања на eтно Ресторанот и вила Бате Боле во село Лешани !!

Во срцето на општина Дебрца, поточно во село Лешани во петок на 26 јули во 19:00 часот  се отвора етно ресторан Бате Боле. Побегнете...

Чавков, Јане Ченто и други осудени за 27-ми април излегуваат од затвор на 30 дена

Осуденици за случајот 27 април се повикале на Членот 225 од Законот за извршување на санкциите, чиишто измени беа изгласани кон крајот на месец...

Директор д-р Асен Шајн ја предаде должоста на новиот В.Д. Директор д-р Горан Маркоски, со желби за понатамошен успех и континуитет во работата.

Примопредавање на функцијата директор на ЈЗУ Општа болница Охрид Денеска во просториите на административната зграда при ЈЗУ Општа болница Охрид, во пријатна работна...