10.9 C
Ohrid
четврток, април 3, 2025
ПочетнаСветЗа првпат во светот: Лекари со „автотрансплантација“ му го вратија видот на...

За првпат во светот: Лекари со „автотрансплантација“ му го вратија видот на слеп човек

spot_imgspot_imgspot_imgspot_img
spot_img

Во болницата „Молинете“ во Торино, за првпат во светот, благодарение на специфичната трансплантација на дел од едното око на местото на другото, 83-годишен маж кој, поради разни болести, останал целосно слеп во двете очи – прогледа.

<

Тој го изгубил видот на едното око пред 30 години, а на другото пред 10 години поради ретка болест која целосно му ја уништила рожницата и површината на окото.

На левото око не било можно да се врати видот, но останало површински добро сочувано. Трансплантацијата на неговиот дел на десното око му овозможила повторно да гледа. Операцијата траела четири часа, а тимот хирурзи бил предводен од професорот Микеле Реибалди, директор на очната клиника „Молинете“ и Винченцо Сарникола, претседател на италијанското здружение за рожници и матични клетки.

„Новината е во тоа што ја проширивме трансплантацијата на рожницата на целото око, на конјунктивното склерално ткиво кое игра основна улога во тоа колку ќе биде успешна трансплантацијата во одредени услови. Окото кое ослепело, но сепак има функционални аспекти, не треба да се жртвува бидејќи може да ни послужи како „резервни делови“. Во последните 20 години, границите на трансплантацијата се поместија и направивме огромни чекори, а Италија има водечка улога во светот“, објасни професорот Сарникола.

Две недели по операцијата, пациентот е во состојба да препознава луѓе и предмети и самостојно да се движи. Левото око е реконструирано за естетски цели благодарение на ткиво на донор.

„Кога се разбудив и повторно почнав да го гледам обликот на моите прсти, чувството беше како повторно да сум се родил“, биле првите зборови на пациентот кој живее во Торино.

Во последните неколку години му биле извршени две традиционални трансплантации на десното око, кои, за жал, не вродиле со плод, па била донесена одлука за првпат во светот да се изврши операција „автотрансплантација“ од левото на десното око.

Една третина од левото око е „автотрансплантирана“ на десното око, кое на овој начин е реконструирано и на пациентот му се врати видот. Лекарите се надеваат дека, со оглед на тоа што трансплантацијата е направена со помош на користење на „материјал“ на самиот пациент, нема да дојде до отфрлање.

Извор: Слободен Печат

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Коњчето од Кавадарци кое беше изгладнато и измачувано со месеции, денес умре.

Утринава замина бела душо, не издржа Твојата измачена, напатена душа замина со ангелите. На топло беше, ветеринарите дадоа се од себе , но ти заспа...

На местото од дискотеката Пулс каде што загинаа 60 млади луѓе, има можност да се создаде меморијален парк, кој ќе биде не само место...

На местото каде што загинаа 60 млади луѓе, има можност да се создаде нешто значајно – меморијален парк од 1600 квадратни метри, кој ќе...

Мицкоски: Платите растат, Македонија се буди, просечната плата надмина 50.000 денари.

Зголемени плати, реален раст – Македонија се буди! Од 1 април започна исплатата на зголемените плати во јавното здравство: линеарно зголемување од 2.500 денари...

Зад решетки ќе заврши и таткото на Васил: Поднесен предлог притвор од Јавен обвинител !!!

Јавен обвинител од Основното јавно обвинителство Скопје поднесе Обвинителен предлог против 50-годишен скопјанец за кривично дело – Предизвикување општа опасност од член 288 став...