Инцидент се случил по завршување на натпреварот Караорман-Охрид. Оштетен бил дел од инвентарот на стадионот во Струга, а повредени се пет полициски службеници.
На 08.04.2023 околу 17:00 часот во Струга, по завршување на фудбалскиот натпревар помеѓу екипите на Караорман од Струга и Охрид, во рамки на Втората фудбалска лига, бил нарушен јавниот ред и мир од повеќе лица од навивачка група од Охрид, при што бил оштетен дел од инвентарот на стадионот.
<
Притоа, при преземање мерки со повреди се здобиле пет полициски службеници од полициската станица Струга. По целосно документирање и расчистување на случајот, ОВР Струга ќе поднесе соодветни пријави – информира Стефан Димоски, портпарол на СВР Охрид.
