Отпуштен од работа е тетовскиот анестезиолог кој се вклучил во живо од болницата во Тетово на „Тик-ток“ шетајќи низ болничките ходници, снимајќи колеги и пациенти.
За ова информираше денес министерот за здравство, Фатмир Меџити. Тој изрази големо жалење што еден здравствен работник вака се однесувал и рече дека ќе направат се’ за во иднина да не ни се случи вакво нешто.
По пријава од директорот на болницата, Плумб Вела, дваесет минути пред полноќ полицијата го привела 43-годишниот доктор.
