20.9 C
Ohrid
петок, јуни 27, 2025
ПочетнаМакедонијаДвете ученички се одделиле под изговор дека го заборавиле паричникот.

Двете ученички се одделиле под изговор дека го заборавиле паричникот.

spot_imgspot_imgspot_imgspot_img
spot_img

Повеќе од осум часа траеше агонијата на родителите чии девојчиња вчера се изгубија во Скопје, за време на екскурзија организирана од нивното основно училиште ,,Гоце Делчев” од Босилово. Девојчињата на возраст од 12 и 14 години биле пријавени во полиција за изгубени околу 16 часот, од страна на нивната наставничка. Им се изгубил траг во Веро Џамбо.

<

По масовната потрага на МВР, но и на голем број граѓани, кои самоиницијативно се организираа преку социјалните мрежи, ученичките беа пронајдени десеттина минути пред полноќ, од страна на полицијата, во близина на Стара рампа, недалеку од местото каде последен пат биле забележани.

Како што ни потврдија од МВР, во добра состојба, но поради нивната возраст не можат да откриваат повеќе детали за јавност.

Што се случувало со нив во тие осум часа, додека масовно се трагаше низ целиот град, нема информација. Настанот ја вознемири целата јавност, а како што појаснува директорот на ООУ ,,Гоце Делчев” Босилово, Стево Божинов за ,,Фокус”, учениците заедно со наставниците заминале во посета на Саем за книга, по што отишле во Веро Џамбо да ручаат и да се прошетаат низ продавниците.
Вели дека настанот за сите бил огромен стрес.

-Станува збор за екскурзија во која учествуваа 123 ученици и 19 наставници. Значи, еден наставник бил задолжен за шест до седум ученици, што значи дека тоа е доволен број за да се има контрола над ситуацијата. По посетата на саемот групата дошла во Веро Џамбо, бидејќи туристичката агенција која е организатор имала договор со некој од рестораните, каде децата ручаат, а потоа било предвидено да се прошетаат во кругот на Веро Џамбо. Заминувањето беше планирано во 16 часот, групата се собрала во 15.50, а двете ученички се одделиле под изговор дека го заборавиле паричникот.

Повеќе детали не можам да откривам, но откако девојчињата не дошле, наставничката пријави во полиција, по што започна потрага по нив.
Кога бев информиран за настанот и јас од Босилово се упатив кон Скопје. Цела ноќ баравме, трагаше полицијата, но и луѓе од Струмичко. И наставничката остана со нас, до крај. Се вративме дома во пет часот наутро, олеснително е што настанот заврши добро, но се уште сме вознемирени поради случката – појаснува директорот.

Додава дека на наредниот училишен Совет ќе се разговара за настанот и околу тоа дали и какви постапки или дисциплински мерки ќе бидат превземени. Потврдува дека ученичките по кои се трагаше во иднина ќе бидат суспендирани од сите планирани училишни екскурзии.

Вики Клинчарова ФОКУС

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Андоновски: Доаѓа крај на хартиените документи – возачка и лична карта сè на мобилен телефон

На Самитот за дигитализација на Западен Балкан, што ќе се одржи на 1 и 2 октомври во Скопје, официјално ќе биде претставена македонската апликација...

Стружани сами си го поправија дрвениот мост на реката Црн Дрим.

Чекаа реакција од градоначалникот, но залудно – па стружани решија работата да ја превземат во свои раце. Еден од дрвените мостови на шеталиштето покрај...

Таравари: Сегашниот ќе биде и иден градоначалник на Гостивар

Валбон Лимани, актуелниот вршител на должноста вд градоначалник на општина Гостивар, ќе биде кандидат за уште еден мандат, соопштти Арбен Таравари, синоќа на граѓанскиот...

Страшна сообраќајка кај селото Извор-Кичево: Судир помеѓу мерцедес со странски таблички и опел астра со охридски ознаки !!!

На Страшна сообраќајка кај Подмоље: Судир На магистралниот пат А2, во близина на кичевското село Извор- Подмоље, денеска се случи тешка сообраќајна незгода во која учествувале...