15.6 C
Ohrid
недела, април 14, 2024
ПочетнаМакедонијаПочина актерот, поет, критичар и есеист Марко Петрушевски

Почина актерот, поет, критичар и есеист Марко Петрушевски

Актерот и поет, филмски творец, критичар, есеист, радио водител, преведувач… Марко Петрушевски, починал пред неколку дена во Скопје, на 47 години. Веста за прераната смрт на еден од најинтересните и најнеобичните ликови во Скопје ја пренесе порталот „Окно“.
Петрушевски беше истакнат детски актер, познат по улогите во сериите на ТВ Скопје „Бушава абука“, „Втората смена“ и „До-ре-ми“… Подоцна тој дипломирал на Драмскиот факултет во Скопје, а го завршил и Филолошки факултет, на отсекот за Општа и компаративна книжевност. Магистерскиот труд го одбранил по постдипломските студии по фолклористика, на тема „Психоаналитичката фолклористика на Алан Дандес“.

Марко Петрушевски во сцена од серијата „Втората смена“ / ТВ Скопје (1988) / Јутјуб/принтскрин

Петрушевски во 2001 година ја објавува збирката поезија „Еден млад збунет човек“ и ја добива наградата за дебитантска поетска книга на Струшките вечери на поезијата. Пишувал за списанието „Маргина“. Кратки раскази и записи објавувал на порталот „Окно“. Три негови кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).

За Темплум ги приредил и превел (заедно со Владимир Јанковски) расказите на Чарлс Буковски, во книгата „Љубов за 17,5 долари“ (едиција Магма, 2004).
Снимил и неколку кратки филмови (Понеделник, Телефонска секретарка…). Работел во филмското студио „Ед Вуд“, снимал видеа и скечеви. Пишувал филмска критика, главно во месечникот „Форум“. Петрушевски работел и како водител во радиото „Канал 103“.

spot_img
spot_img
ПОВРЗАНИ СТАТИИ

Најпопуларни

Повеќе постови

Силјановска Давкова: Химната ни е запишана во генетскиот код

Морам да кажам, Бутел го прави горд Дејан Ѓеоргиевски. Ете ја едноставната формула за гордост: Кога сте вицешампион на Олимпијада, а доаѓате од една...

Скопје блеска во новогодишен амбиент среде април

Четири и пол месеци по дочекот на Новата Година, во Скопје се уште владее новогодишна еуфорија. Причина за тоа се украсите кои се уште...

Поранешниот директор на финансиска полиција Арафат Муареми од СДСМ премина во ДУИ

Поранешниот директор на финансиска полиција Арафат Муареми од СДСМ премина во ДУИ. Оваа вест тој ја потврди на својот Фејсбук профил. „Почитувани семејства, пријатели, колеги и...

Изложба посветена на вонвременскиот охридски уметник Вангел Наумовски

Синоќа имав чест да присуствувам на изложба посветена на вонвременскиот охридски уметник Вангел Наумовски. Изложбата беше организирана од ЛК „Лихнидос“, а на неа присуствуваа...