Со смислено снимање и на низок и неморален начин некој се обидува да го оцрни името на компанијата „Моцарт“. Вака реагираше оваа компанија, откако Клан Македонија објави видео на кое се гледа како малолетник ја „пробува среќата“ на еден од апаратите во оваа обложувалница.
„По разговорот со вработениот и прегледувањето на снимките од надзорните камери на објектот, повеќе од јасно е дека целата оваа ситуација била однапред испланирана за да и се наштети на компанијата. Кога вработениот забележал дека на местото на плаќање има малолетно дете, веднаш реагирал и побарал малолетникот да го напушти објектот“, велат од Моцарт.
MOZZART, како одговор, тврди дека целиот настан го испланирале тројца полнолетни и тоа е утврдено по проверка на безбедносните камери. Од таму велат дека го раскинале договорот за вработување со вработеното лице кое не превземало мерки за отстранување на малолетникот.
„Веднаш беше одобрена одлуката за откажување на договорот за вработување без отказен рок на работникот кој дозволил малолетното лице да остане на местото на уплаќање, поради прекршување на одредбите од Законот за коцкање како и кодексот за деловно однесување“, се вели во реакцијата на Моцарт.
