Синот на собранискиот претседател Талат Џафери и официјално стана обвинител. На денешната седница на Советот на јавни обвинители Барлет Џафери беше избран за обвинител во Гостивар.
Тој го мина изборот претходно под контроверзни услови, бидејќи Државната комисија за спречување на корупција објави дека тој положил правосуден испит пред да дипломира.
Џафери е еден од штотуку завршените кандидати на Академијата за судии и обвинители кои на денешната седница на Советот на јавни обвинители се избрани на празните места во обвинителската структура.
Албулена Абази, сопругата на шефот на Обвинителството за гонење на организиран криминал и корупција, Ислам Абази, исто така денеска е избрана за обвинител во ОЈО Кичево.
Советот на јавни обвинители денеска на 80-тата седница избра 18 јавни обвинители во 12 јавни обвинителства низ земјава и еден Основен јавен обвинител во ОЈО Штип.
