Индиската влада нареди да се суспендира еден нејзин службеник кој наредил да се испразни цела брана за да го извади телефонот кој му паднал додека правел селфи.
<
Целата операција за испумпување на неколку милиони литри вода траела три дена а откако бил пронајден, телефонот, кој според инспекторот за храна Раџеш Вишвас, содржел чувствителни владини податоци, не работел .
Откако локалните нуркачи не успеале да го најдат телефонот, инспекторот платил да се донесе дизел пумпа која работела неколку дена. Работата била прекината откако по добиена жалба пристигнал друг службеник од секторот за водни ресурси.
