Затоа Никола Груевски има четирипати поголем рејтинг од Христијан Мицкоски и повеќе од една третина на гласачите на ВМРО-ДПМНЕ не го поддржуваат Мицкоски, туку го сметаат се уште Груевски како нивен лидер, реагира вицепремиерот Груби
Секојдневното креирање на лажни вести проследени со навреди се најниското ниво на кое ВМРО-ДПМНЕ е спаднато од своето основање до денес. Денешното ВМРО-ДПМНЕ е непрепознатливо кое што го пушти низ вода сето свое претходно раководство и се служи со омаловажување на другите преку Гебелска пропаганда, реагира вицепремиерот Артан Груби откако од ВМРО-ДПМНЕ го обвинија дека му пораснал стандардот откако Владата го потпишала договорот со „Бехтел и Енка“.
„Затоа Никола Груевски има четирипати поголем рејтинг од Христијан Мицкоски и повеќе од една третина на гласачите на ВМРО-ДПМНЕ не го поддржуваат Мицкоски, туку го сметаат се уште Груевски како нивен лидер. ВМРО-ДПМНЕ треба да се извини за клеветите и личните навреди упатени кон првиот потпретседател на Владата, г-дин Груби. Во прилог Ви испраќаме доказ за цената на патиките за кои замислете, се состануваше Извршниот комитет на ВМРО-ДПМНЕ и донесе стратешка одлука да креира уште една лажна вест по наредба на нивниот претседател во својата секојдневна колекција“,
се наведува во соопштението на Министерството за политички систем и односи меѓу заедниците со кое раководи Груби.
Претходно од ВМРО-ДПМНЕ го обвинија Груби дека носел патики вредни 450 евра.
