Египќаните не се застапени во извршната власт, имаат проблем со реализирање на основното човеково право да се декларираат во училиштата и во институциите на системот како Египќани, и се заведени под категоријата други, врз Египќаните катадневно се применува системска дискриминација, не се институционално интегрирани и како резултат на тоа немаат перспективи за достоинствен живот во својата татковина Македонија, соопшти во средата коалицијата на Египќани.
Поради тоа, како што се наведува во соопштението, припадниците на заедницата се одлучуваат да ја напуштат својата татковина Македонија, и својата срека да ја побараат во западноевропските држави.
„Македонија, секој ден тоне на економски план, има политички затвореници, се врши тортура врз неистомисленици, има огромна сиромаштија, а тоа особено се удира врз Египќаните како ранлива етничка категорија.
Ние, како Египќани, сме биле и ќке бидеме најгласни и најупорни да бидеме внесени во Преамбулата на Уставот, но не под диктат и притисок на трети страни.
Египќаните во последните шест години имаат повисока стапка на морталитет наспроти наталитетот, а тоа погубно за државните национални интереси.
ВМРО-ДПМНЕ и градоначалникот д-р Кирил Пецаков, на дело покажаа дека сакаат да ги видат интегрирани Египќаните во институциите на системот, тоа може лесно да се види во Охрид, каде има и најмногу Египќани.
Силно веруваме во намерите и способностите на претседателот на ВМРО-ДПМНЕ професорот Христијан Мицкоски, како и неговите симпатии и пријателски однос во однос на Египќаните и кон сите граѓани во Република Македонија, и затоа безусловно го поддржуваме“, се истакнува во соопштението.
