И покрај бројните шпекулации дека се обезбедиле 80 пратеници, 44 пратеници на ВМРО-ДПМНЕ стојат на ставот дека уставни измени под бугарски диктат на ваков начин, под овие околности, ние нема да поддржиме. Тоа беше јасно кажано на денешната средба со господинот Ковачевски.
Оваа рамка е неприфатлива и за мнозинството граѓани. На денешната средба која траеше час и половина разговаравме за предлози кои што ги даде господинот Ковачевски, кој би го издвоил еден: Тој предложи во рамките на парламентот да отпочне дискусија и да се изгласа промената на Уставот, а потоа да биде формирана Влада во која што 10-ресори кои ги менаџира СДСМ, 5 да бидат дадени на ВМРО-ДПМНЕ, да отпочне процесот на преговори со ЕУ, да бидат завршени неколку поглавја а таа Влада да ги подготви парламентарните избори.
На оваа понуда дадов следен став: ВМРО-ДПМНЕ е подготвен да влезе во Влада со СДСМ и со останатите политички партии, но без учество на ДУИ. Ние сме подготвени да учествуваме во истата, со тоа што избори подготвува техничка Влада, а евентуалните уставни измени да важат денот кога ќе почне ратификација на пристапниот протокол на Македонија во рамките на ЕУ од парламентите на 27 членки. Тоа беше протоколкувано како кршење на преговарачката рамка, по што предложив предвремени парламентарни избори, за кои дадов три датуми како предлог, да се формира Влада на широко национално единство, во која нема да биде дел ДУИ.
