Младите продолжуваат да ја напуштат Македонија во потрага по подобар живот во европските земји. Секој месец само во Кичево по 400 млади преку разните канцеларии аплицираат за работна виза во германската амбасада, пишува ТВ21.
Ваквата ситуација ги загрижува постарите и родителите кои остануваат сами во нивните домови. За ваквата состојба ја обвинуваат владата.
Од СВР Охрид велат дека во периодот од 2022 година се до денес, 31 лица доставиле барање за откажување од македонското државјанство.
„Ве известуваме дека за тој временски период во регионалната канцеларија во Кичево, барање за откажување од државјанството на РСМ доставиле 31 граѓани поради разни причини“, велат од СВР Охрид.
Статистиките на Државниот завод за статистика покажуваат дека во однос на временскиот период помеѓу двата пописи, овие две општини имаат помалку од над 50.000 жители. Најголемо намалување на населението има во Гостивар 21.272 жители и Кичево 17.065.
