Пациентот Игор Пехчевски, болен од цистична фиброза бара извинување од министерот за здравство, Фатмир Меџити за неговиот коментар во интервјуто за „Макфакс“ дека правел шоу кога бараше лек „трикафта“.
Пехчевски бара министерот јавно да се извини, а лекот да биде донесен веднаш, а не за неколку месеци.
– Го слушам и гледам министерот за здравство. Јас барам лек од кој животот ми зависи, а тој си дозволи како доктор и министер за здравство да каже за мене дека со барањето на лек правам шоу во јавноста на телевизија. Барам јавно извинување. И главното: Донесете го лекот „трикафта“ веднаш, а не за неколку месеци како што кажувате во вашите изјави, кажа пациентот.