8.9 C
Ohrid
среда, април 2, 2025
ПочетнаМакедонијаБектеши ја излажал цела Влада, министри бараат ревизија на одлуката за рудниците

Бектеши ја излажал цела Влада, министри бараат ревизија на одлуката за рудниците

spot_imgspot_imgspot_imgspot_img
spot_img

Министерот за економија Крешник Бектеши ја измамил Владата, премиерот Димитар Ковачевски и министрите дека Управен суд донел одлука за спојување на концесиите за ископ на бакар и злато на „Еуромакс ресоурцес“ во Струмичко. Како што објавува Истражувачка репортерска лабораторија (ИРЛ) во текстот „Министерот Крешник Бектеши ги измамил, дел од министрите бараат ревизија на одлуката за рудниците“, одлуката била донесена на седницата одржана на 27 јуни 2023, а објавена на 5 јули, на неа сите министри гласале за комбинирана концесија што ќе ја обедини ксплоатацијата на минерални суровини од две клучни локации.

<

Бектеши ја става оваа точка на владина седница откако Управниот суд, во третото одлучување за предметот во март година носи одлука во корист на „Еуромакс ресоурцес“. Претходно два пати тужбите на „Еуромакс ресоурцес“ беа отфрлени од судот како неосновани. Но, пресврт настанува во одлуките на судот откако фамилијата Дестани, блиска до ДУИ и лидерот Али Ахмети, купува удели во компанијата „Еуромакс ресоурцес“.

Како што велат министри во Владата, сѐ траело многу кратко и никој не се посомневал дека е можно Министерството за економија да презентирало лажни податоци.

 

Седницата ја водел премиерот Димитар Ковачевски, заедно со неговиот прв заменик, Артан Груби. Присутни биле скоро сите министри. Точката за спојување на концесиите за ископ на минерални суровини на „Еуромакс ресоурцес“ не била  на дневниот ред, доаѓа како дополнителен предлог од министерот за економија Крешник Бектеши. Никој од министрите не гласал против.

„Министрите не беа запознаени со суштината на предметот“, појаснува за ИРЛ министерката за животна средина Каја Шукова. Министрите во моментот располагале само со образложението кое го доставило Министерството за економија, во кое пишува дека Управниот суд наложил да се спојат концесиите.

И министерот за внатрешни работи Оливер Спасовски вели дека не знаеле дека одлуката на Управниот суд не бара од владата спојување на концесии. Тој како и повеќето негови колеги немал причина да се сомнева во документ на министерството кој што го презентирал Бектеши и вели дека негов личен став е да нема рудник доколку локалното население тоа не го сака.

Министерката за одбрана Славјанка Петровска вели дека министрите за време на седницата немаат време да ги разгледаат сите материјали за точки кои се додадени на дневниот ред на самата седница.

„Во такви случаи се потпираме на образложението кое го добиваме од ресорното министерство. Сметам дека потребно е Владата да ја преиспита одлуката за спојување на концесиите на „Еуромакс ресоурцес“ на следната седница. Ако сме донеле погрешна одлука, тоа треба да се исправи“, вели министерката Петровска за ИРЛ.

Денес во Струмица се одржува протест против рудниците и се бара Владата да им ја одземе концесијата на „Еуромакс ресоурцес“.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Сопственик на пекара во Нови Пазар гради зграда за самохрани мајки

Сопственикот на пекарницата „Клас“ во Нови Пазар, Сеад Бихорац, познат е по своите хумани дела. Освен што со години им дели бесплатен леб на оние...

Стерјовски: Ќе бараме да се учи македонски во Албанија

Лидерот на партијата Македонска алијанса за европска интеграција (МАЕИ), Васил Стерјовски, кој е кандидат за пратеник на отворената листа на Социјалистичката партија (СП) за...

Припадниците на МВР денеска примија плата зголемена за 10%.

Припадниците на МВР денеска примија плата зголемена за 10%. Изминативе години сосема оправдано имаше критики дека платите во МВР се ниски, а очекувањата и одговорностите...

Поднесена иницијатива за смена на актуелниот претседател Перо Антиќ

Во Кошаркарската федерација на Македонија денес е поднесено барање за Вонредно собрание на кое ќе се гласа за смена на актуелниот претседател, Перо Антиќ. Иницијаторите...