Бизнисменот Јордан ‘Орце’ Камчев ги користел влијанието и богатството стекнати со корупција да манипулира со македонскиот судски систем за негова корист“, велат од американското Министерство за финансии..
Американското Министерство за финансии денеска го означи македонскиот бизнисмен Орце Камчев согласно извршната наредба на претседателот Џо Бајден од јуни 2021 година како лице кое е закана за стабилноста на Западен Балкан преку корупција, соопшти Министерството.
„Господинот Камчев ја злoупотребуваше својата позиција, беше вклучен во коруптивни активности и спроведуваше агенда за сопствена корист на сметка на македонските граѓани и демократски институции“, вели потсекретарот во Министерството за финансии задолжен за тероризам и финансиско разузнавање Брајан Нелсон.
Оттаму додаваат дека „бизнисменот Јордан ‘Орце’ Камчев ги користел влијанието и богатството стекнати со корупција да манипулира со македонскиот судски систем за негова корист“.
