6.1 C
Ohrid
петок, февруари 23, 2024
ПочетнаМакедонијаМеханичарот прегазил баба со мојата кола, сега јас треба да платам 5.000...

Механичарот прегазил баба со мојата кола, сега јас треба да платам 5.000 евра, вели Неготинчанецот Ангел Стојчев

Ми се случува едно неверојатно искуство, кога ниту крив, ниту должен, доведен сум во ситуација да треба да платам сума од околу пет илјади евра, поради нешто кое јас не сум го сторил. Сакам да знам дали е ова правда и има ли решение за мојот проблем – прашува 54-годишниот Ангел Стојчев од Вешје, Неготино, и за ,,Фокус” детално го прераскажува настанот кој му донел големи главоболки и стресови.

-Се случи тоа во 2018 година, имав автомобил кој требаше да го регистрирам, па пред регистрација го однесов кај механичар во Неготино, да го среди и поправи.
Но, добив телефонски повик додека бев на работа, ме повикаа веднаш да дојдам, бидејќи се случила незгода со мојот автомобил во близина на училиште во Неготино. Кога прашав што е работата, ми беше кажано дека механичарот сакал да ја испроба колата, заминал кон продавница во близина на школото, и кога враќал назад удрил во 80-годишна баба.

Бабата заврши со скршен колк, а јас го започнав патешествието во судските лавиринти. Во суд бев повикан само еднаш, каде убаво појаснив дека јас не возев, туку мајсторот ја испробувал колата. И толку беше, по втор пат не ме повикаа.

Пред две години стигна одлуката дека треба да и платам на бабата отштета, адвокатката ветуваше дека ќе се среди работата, дека ќе се жалиме, но на крај излезе дека пресудата е правосилна. Заедно со останати трошоци, камати и со долг кон извршител, јас треба да платам околу пет илјади евра – раскажува Стојчев.

Вели дека тој работел во фабрика, не бил во тек со законите и прописите во земјава, па како му било кажано, така сметал дека треба да направи. Но, сумата која требало да ја плати, сепак му дошла како шок, најмногу поради тоа што тој не го управувал возилото кога се случила несреќата и не се чувствувал виновен.

-Ми кажаа дека и мајсторот кој ја удри старицата треба да и плати иста сума. Според закон, исто сме биле одговорни и двајцата, и јас како сопственик на неосигурано возило, како и лицето кое го управувало возилото кога се случил настанот.
Не знам каде да се обратам по повод оваа ситуација, снимив видео во кое раскажувам за случајот и тоа се објави на Тазе, страница каде се објавуваат новости од Тиквешијата, поддршка добивам од луѓето, но мене ми е потребна конкретна правна помош.
Апелирам доколку има некој правник, адвокат кој смета дека правдата е на моја страна и кој би можел да ми помогне, нека ме побара. Ги почитувам законите, но целата оваа ситуација не ми е логична – вели Стојчев.

Појаснува дека денес жената која била удрена од возилото била добра и си продолжила со животот. Механичарот кој му го поправал автомобилот, во меѓувреме ја затворил фирмата и не работел повеќе.

-Бабата си е жива, механичарот повеќе не работи, а јас доколку не се изнајде некое решение, ќе треба да платам 5.000 евра. Ако постои некое законско решение за мојот случај, замолувам да ми се јави правно лице кое ќе ми помогне- порача Стојчев.

Вики Клинчарова Фокус

spot_img
spot_img
ПОВРЗАНИ СТАТИИ

Најпопуларни

Повеќе постови

Трагично заврши потрагата по исчезнатиот Александар од Прилеп

Потрагата по лицето Александар Јошовески од Прилеп на кого му беше изгубена трагата вчера попладне за жал е пронајден починат вечерва. Ова преку социјалните мрежи...

„Несериозен е предлогот на ВМРО-ДПМНЕ за продолжување на важноста на пасошите“, рече Маричиќ

Предлогот законските измени на ВМРО-ДПМНЕ за продолжување на важноста на патните исправи е правна несигурност за граѓаните, изјави вечерва вицепремиерот Бојан Маричиќ на новинарско...

Максим Димитриевски е претседателски кандидат на ЗНАМ за претстојните избори.

Максим Димитриевски е претседателски кандидат на ЗНАМ за претстојните избори. Партијата Движење ЗНАМ - За наша Македонија вечерва во Скопје ќе го одржи првиот...

ДНК со поддршка до Силјановска-Давкова: Време е да си добиеме мајка!

Популарното музичко дуо ДНК јавно и искажа поддршка на професорката Гордана Силјановска-Давкова, која се пријавила на јавниот повик за избор на кандидат на ВМРО-ДПМНЕ...