Уапсен Алил Демири во Косово. Според информациите на А1он 38 годишниот Демири бил уапсен во соработка со македонската полиција.
А1он доби потврда и од македонското МВР.
„Денеска (24.08.2023) полицијата на Република Косово, во соработка со македонската полиција, во Косово го лиши од слобода Алил Демири (38) врз основа на издадена меѓународна потерница од МВР на РСМ, баран врз основа на наредба на Oсновниот суд Скопје 1, за сторено кривично дело “Тероризам” предвидено по член 394 од Кривичен закон, во врска со петкратното грозоморно убиство кај Смиљковското езеро.“ велат од МВР за а1он.
Демири, Македонија го бара во врска со петкратното грозоморно убиство кај Смилковското езеро. По масакрот во Косово побегнаа Алил Демири и Африм Исмаиловиќ и досега Косово постојано одбиваше да ги екстрадитира во Македонија.
Како што дознава А1он Демири ќе биде изведен пред надлежен судија.
