Затвореник во Идризово им земал пари на командирите и им ветувал дека ќе ги направи полицајци и од затворот ќе одат директно во Министерство за внатрешни работи. Според актуелниот директор на затворот Зоран Јовановски, ова е приказната за рекетот и уцените кон поранешниот заменик министер за култура, Јанко Јаневски кој за Алфа сведочеше за пеколот кој го поминува таму. Затвореникот сега е недостапен за да може да одговори на обвинувањата на командирите.
Добро е што и Алфа се вкклучи за да се расчисти случајот,. Командирот денес му поднесуваат кривична пријава на Јанко бидејќи им зел пари им ветувал, а не сакал да им ги врати. И за него како и за останатите осуденици кои се жалат од рекет и уцени, информрирана е Лиле Стефанова и обвинителството треба понатаму да постапи, вели Зоран Јовановски, директор на Идризово.
Инаку Јанко Јаневски за Алфа сведочеше дека со месеци чуварите му се закануваат и се обидуваат да го рекетираат.
Директорот нема коментар за сведоштвото на другиот затвореник, Тони Денковски, кој исто така се пожали дека не можел повеќе да ги издржи заканите кон неговото семејство. Тој е осуден на доживотна робија за ликвидиација на тројца во скопски рибен ресторан.
И за двата случаи директорот на затворот топката ја префрла кај обвинителката Лиле Стефанова на која се и било пријавено. Но, Стефанова, освен што е на судење и е многу зафатена, нема друг одговор. Алфа остана без одговори што презела за скандалот во Идризово.
Исто како и обвинителката така и директорот на Управата за извршување на санкции, Јовица Стојановиќ нема одгвовор за Алфа што се случува со рекетот и заканите иако затворите се под негова надлежност.
За разлика од нив министерот за правда Кренар Лога рече дека ќе се запознае и ќе информира за скандалот.
Паула Костадиноска
