Претседателот на Србија во своето вонредно обраќање поврзано со случувањата на Косово, како пример ја спомена и нашата држава Македонија. Тој го потенцираше конфликтот од 2001 година.
„Обрнете внимание на уште еден детаљ. Кога имаше ваков вид на конфликт меѓу Македонија тогашна денешна Северна Македонија, светот тоа го запираше, правеше разговори и договори, денеска рекоа убијте ги сите. Кога Србија одеше во Дреница, да се пресмета со тие кои сакаа отцепување од меѓународно признатите држави, тие рекоа дека тоа се борци за слобода, предводени од Адем Јашари, а не терористи. Само изгледа србите се секогаш терористи“, изјави претседателот на Србија Александар Вучиќ во вонредното обраќање вечерва.
Албин Курти е единствен виновник. Албин Курти е единствен кој сака немири и војна. Никој друг човек не сака немири и војна, освен Албин Курти. Неговата животна желба е да не вовлече во војна со НАТО и друга желба нема. Тоа е и единствено што го прави цело време“, изјави српскиот претседател Александар Вучиќ.
Вучиќ рече дека се случило она за што долго време предупредувал, а тоа е дека Србите се побуниле „не сакајќи повеќе да го трпат теророт на Курти“ и дека тоа е само прашање на време.
„Не сакам да го оправдам убиството на полицаец, ниту пак е можно да го оправдам. Тоа е апсолутно за осуда“, нагласи српскиот претседател.
Според информациите со кои располагаме, потврдена е смртта на тројца Срби од Косово. Двајца од нив биле дефинитивно убиени од снајперски оган, кога не било потребно да бидат убиени. Двајца се тешко ранети, а има страв дека е убиено и четврто лице Следевме, пресретнавме што прави албанската полиција, ќе ви ги покажеме доказите, можеби дури и на конференцијата, само го чекаме преводот“, рече Вучиќ.
Тој додаде дека косовската полиција добила „зелено светло“ за интервенција од КФОР.
Тој додаде дека предупредил во Брисел и Њујорк дека „ова може да се случи“, но „малкумина сакале да слушнат и слушаат“.
Извор: 4news
