28.9 C
Ohrid
недела, јуни 29, 2025
ПочетнаМакедонија17-годишното момче не било врзувано со синџири, туку со фиксатори: ДСЗИ не...

17-годишното момче не било врзувано со синџири, туку со фиксатори: ДСЗИ не најде пропусти во третманот на 17-годишниот Абдуловски во Демир Хисар

spot_imgspot_imgspot_imgspot_img
spot_img

Нема пропусти во третманот на 17-годишниот Анес Абдуловски, момче со аутизам, при неговото лекување во Психијатриската болница Демир Хисар, констатираше Државниот санитарен и здравствен инспекторат (ДСЗИ). Од таму потврдија дека за време на неговиот престој, тој бил фиксиран и врзуван, но не со синџири, туку со кожни и платнени фиксатори поради неговата изразена агресија, посебно кон женскиот дел од пациентите во установата. Од адолесцентното одделние бил префрлен на акутниот машки оддел во соба за фиксација на пациенти со насилничко однесување, но ДСЗИ не констатираше прекршувања.

<

„Овие фиксатори се наменети за пациенти кои се агресивни и не станува збор за синџири кои беа изнесени во јавност. Постојат кожни и платнени фиксатори, дозволени се според упатство од мадецина базирана на доказ. Се користат за пациенти со агресивно и насилничко однесување“, изјави Рената Младеновска директор на ДСЗИ.

Иако народниот правобранител во последниот извештај од јуни годинава потврди дека во Психијатрската болница во Демир Хисар има опрема за врзување на пациентите, односно затекнати биле метални синџири со катанци, ремени и кабли и ја потенцираше забраната за тортура на пацинетите, инспекторите при нивните надзори никогаш не затекнале такви предмети, тврди Младеновска.

„Од сите досегашни наши надзори, редовни и вонредни, не сме виделе во психијатриските болници предмети за измачување на пациентите“, вели Младеновска.

Четири дена медиумите пишуваат за раните и модринките на Анес Абдуловски од синџиреите со кои бил врзуван во Демир Хисар. Од психијатриската болница потврдија дека во одредени ситуации е неопходно физичко ограничување, но ниту еднаш не демантираа дека станува збор за синџири како што тврдеше мајката. Сепак, стручната фела е категорична дека фиксирањето и врзувањето на деца со аутизам е со децении напуштена и инквизиторска метода.

„Тоа се инквизиторски методи коишто се својствени за 19-от век. Во медицината одамна е напуштено фиксирањето и врзувањето за кревет. Децата со аутизам воопшто не смее да бидат тепани. Со такво агресивно однесување, ние можеме да ги внесеме нив во психотизација. Колку и да било агресивно тоа дете, постојат други методи во смисла на медикаментозна терапија, седативи за тоа дете да се смири. А, никако да се фиксира за кревет, да се врзува или да се тепа“, вели проф. д-р Владимир Трајковски од Институт за дефектологија на Филозофскиот факултет при УКИМ за Телма.

Пред да биде хоспитализиран во Психијатриската болница во Демир Хисар поради изразена агресија со која родителите не можеле да се справат, Анес бил лекуван на Клиниката за психијатрија во Скопје, но не се јавил на контролниот преглед, велат од ДСЗИ.

Иако, психијатриска установа не е место за деца со аутизам, сепак, останува нејасно зошто бил примен во болницата во Демир Хисар, која ќе биде под строг надзор на Министерството за здравство како што соопшти министерот Меџити при денешната средба со мајката на Анес, Салка Абдуловска. Тој изрази жалење за ситуацијата и рече дека нема да дозволи несоодветен третман на пациентите.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Скопјанец со електричен тротинет удрил во отворена врата од автомобил.

Во саботата попладне на улицата „Борис Сарафов“ во Скопје, 29-годишен маж се здобил со тешки телесни повреди откако со електричен тротинет удрил во отворена...

Партијата на пензионерите излегува од коалицијата со СДСМ, на Локални ќе оди со ВМРО-ДПМНЕ

Партијата на пензионери излегува од коалиција со СДСМ и на наредните Локални избори ќе бидат во коалиција со ВМРО-ДПМНЕ. Како што посочи претседателот на...

Малечката Калина од Гевгелија, ја даруваше косата за деца болни од рак, во чест и спомен на својата прерано почината тетка

Во еден неверојатен гест на хуманост и емпатија, малите девојчиња ширум земјата одлучуваат да ја даруваат својата коса за изработка на перики за деца...

Жена на возраст од околу 40 години се удави денеска во Дебарското Езеро

Жена на возраст од околу 40 години се удави денеска во Дебарското Езеро, во близина на градската плажа. Телото го забележале двајца граѓани кои...