Регионалниот центар за управување со кризи Делчево го известува населението од селата Стамер, Град, Вирче, Тработивиште и Разловци дека утре, 20.10.2023 година во периодот од 08.00 часот до завршување на гаѓањето од страна на РЦ – ИСТОК и ПС за граничен надзор – Делчево, ќе се спроведе гаѓање со огнено оружје.
Боевото гаѓање, како што се вели во соопштението, ќе се изврши на временото стрелиште на место наречено Виречка полјана – атар на селото Вирче, поради што на споменатата локација времено ќе биде забрането движењето на луѓе, како и испаша на домашни животни.
„Го известуваме населението дека на 22.10.2023 година (недела) ПС од општа надлежност – Делчево, ќе спроведе боево гаѓање со огнено оружје, во периодот од 09.00 часот до 14.00 часот. Поради тоа се забранува секакво движење на луѓе и вршење на каква било работа и испаша на домашни животни“, се наведува во информацијата од Регионалната канцеларија на ЦУК Делчево.
Целта е да се спречат евентуални несакани последици по населението кое живее во поширокиот реон на стрелиштето.
