20.9 C
Ohrid
вторник, јули 23, 2024
ПочетнаМакедонијаПапата: Кој ќе повреди жена, го навредува Господ

Папата: Кој ќе повреди жена, го навредува Господ

Папата Франциск денеска го осуди насилството врз жените, откако Италија беше огорчена од бруталното убиство на 22-годишна студентка во ноември, во годината кога во таа земја се убиени повеќе од сто жени.
Франциск претходно неколкупати повика на прекин на насилството врз жените, но неговите денешни зборови се први на оваа тема откако Италија беше разбеснета од убиството на Џулија Чекетин.

Тоа предизвика протести низ целата земја и повици да се воведе почит кон девојчињата во образовниот систем од ниво на градинка.

„Секое општество треба да го прифати дарот на жената, секоја жена: да ја почитува, брани и вреднува жената, знаејќи дека секој што ѝ наштетува, го навредува Бога, роден од жена“, рече папата Франциск во својата новогодишна проповед во базиликата Свети Петар во Ватикан.

Италијанските пратеници едногласно поддржаа низа мерки насочени кон борба против насилството врз жените.

Според податоците на италијанското Министерство за внатрешни работи, во 2023 година во Италија биле убиени повеќе од сто жени, од кои речиси половината од сегашни или поранешни партнери.

Чечетин била убиена од нејзиното поранешно момче.

Бесот околу нејзиното убиство се совпадна со успехот на филмот наречен C’e ancora domani (Има уште утре), приказна за жена која е претепана од нејзиниот сопруг. Сместен во Рим набргу по Втората светска војна, кога жените добија право на глас, филмот сега се користи како едукативна алатка во училиштата низ целата земја.

Франциск денеска рече дека жените играат клучна улога со тоа што се примери за мир.

„И светот мора да гледа на мајките и жените за да најде мир, да излезе од спиралата на насилство и омраза и уште еднаш да ги види работите со навистина хумани очи и срце“, рече тој.

spot_imgspot_img
spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Левица: Тежок криминал во „Кромберг и Шуберт”- Врз грбот на работниците

​​​​Неколку дена во фабриката „Кромберг и Шуберт” е присутна финансиска полиција поради сомневање за проневера на милионски суми. Криминалниот ланец помеѓу управата во најпрофитабилниот...

На 26-07 во петок, свечено отварања на eтно Ресторанот и вила Бате Боле во село Лешани !!

Во срцето на општина Дебрца, поточно во село Лешани во петок на 26 јули во 19:00 часот  се отвора етно ресторан Бате Боле. Побегнете...

Чавков, Јане Ченто и други осудени за 27-ми април излегуваат од затвор на 30 дена

Осуденици за случајот 27 април се повикале на Членот 225 од Законот за извршување на санкциите, чиишто измени беа изгласани кон крајот на месец...

Директор д-р Асен Шајн ја предаде должоста на новиот В.Д. Директор д-р Горан Маркоски, со желби за понатамошен успех и континуитет во работата.

Примопредавање на функцијата директор на ЈЗУ Општа болница Охрид Денеска во просториите на административната зграда при ЈЗУ Општа болница Охрид, во пријатна работна...