10.9 C
Ohrid
недела, февруари 25, 2024
ПочетнаСветПратеничка крадела од бутици, па се правдала дека и е од стресот...

Пратеничка крадела од бутици, па се правдала дека и е од стресот !!!

Пратеничка на Нов Зеланд, Глориз Гараман, поднела оставка откако била обвинета за кражба на облека од бутик.

Глориз во три наврати била обвинета дека крадела облека од луксузни бутици, а за време на нејзиниот мандат била дел од Партијата на зелените.

Станува збор за политичарка со иранско потекло и истакната активистка за човекови права, таа е првата бегалка која станала членка на парламентот на Нов Зеланд.

„Откако е избрана на функцијата, таа е под постојан притисок поради закани за сексуално насилство, физичко насилство, а добивала и смртни закани“, изјави претседателот на Партијата на зелените, Џејмс Шо.

Глориз во образложението на оставката не се осврнала на конкретните обвинувања, туку кажала дека имала проблеми со менталното здравје и дека трпела голем стрес на работа.

„Затоа се однесував поинаку од она што навистина сум. Не се обидувам да ги оправдам своите постапки, само сакам да ги објаснам. Психологот што го посетувам ми кажа дека последните настани се резултат на акумулираниот стрес поврзан со траума што ја доживеав одамна“, напишала таа.

Таа исто така додала дека луѓето треба да очекуваат носителите на функции да се однесуваат во согласност со прописите, пишува Sky news.

„Извинете. Не можам рационално да објаснам што се случи. По проценката на докторот, свесна сум дека не ми е добро“, навела таа во својата оставка.

Полицијата на Нов Зеланд во декември соопштила дека покренала истрага за кражба во познат бутик, но нема да соопшти повеќе детали.

Сепак, не потврдиле дека станува збор за пратеничката.

Претседателот на партијата ја поддржал нејзината одлука да поднесе оставка.

„Јасно ни е дека г-ѓа Гараман е во непријатна ситуација. Таа ја презеде одговорноста за своите постапки и се извини. Ја поддржуваме нејзината одлука да поднесе оставка“, се вели во соопштението.

spot_img
spot_img
ПОВРЗАНИ СТАТИИ

Најпопуларни

Повеќе постови

ДУИ во програмата планира 4 часа работно време во петок

Секој петок на работа до 13 часот. Партијата ДУИ со предлог, петоците да се работат со скратено работно време. Целта е велат,...

Трамп: Црнците ме сакаат бидејќи сум дискриминиран како нив

Кандидатот за уште еден претседателски мандат во Белата куќа тврди дека неговата поддршка меѓу Афроамериканците пораснала поради неговите четири кривични случаи и за тоа...

Јована Тренчевска: Би испила кафе со Александар Македонски за да му го покажам Скопје 2014

Тренчевска: Би испила кафе со Александар Македонски за да му го покажам Скопје 2014. Претседателката на форум на жени на Социјалдемоктратскиот сојуз на Македонија, Јована...

Сите нудат кандидати, само Вевчани нуди Господин за претседател, Господин Попоски собира потписи за кандидатура

Вевчанецот Господин Попоски започна да собира потписи за кандидатура и за Супер радио и OhridPress изнесе дел и од неговите ставови и зошто се...