Денеска во Кичево на свечената манифестација по повод Богојавление Водици втор пат по ред најсреќен беше Алек Хлоупек (25) кој го извади светиот Крст од осветените води. На овој настан учествуваа вкупно 34 скокачи.
Прекрасно е чувството да се биде дел од оваа манифестација, учествувам повеќе години, но ете среќата повторно ме сакаше и втор пат по ред светиот Крст дојде до моите раце. Очекувам во иднина многу повеќе пред се млади луѓе да земат свое учество бидејќи ова за мене а верувам и за сите е најблагородна работа која може човек да си ја дозволи, Водици за мене е најголемо духовно исполнение, Бог се јави, да сте живи и здрави – на кратко за Порта.мк истакна младиот Хлоупек.
Општина Кичево, Кумовите фам. Силјаноски и генералниот спонзор „Зегин“ и оваа година го даруваа Хлоупек со паричен ваучер и скромни поклони, посакуваќи му многу здравје, среќа, љубов и бериќет.
Што се однесува до оваа величествена манифестацијата, оваа година само едно девојче учествуваше, тоа е Јована Кузманоска. Таа беше дел и од минатите „Водици“.
Преку нашиот медиум благодарност упатуваме и до Виктор Алексоски кој аудио ја покри манифестацијата.
Во продолжение ексклузивно погледнете ги видео записите, како и фотографиите од Кичево, каде оваа година имаше рекорден број посетители.
Во с.Другово исто така втор пат по ред светиот Крст го пронајде Љубиша Дојчиноски
