34.9 C
Ohrid
понеделник, јули 15, 2024
ПочетнаМакедонијаАлександар Ѓурчев: Не се чувствувам виновен за Сонцето од Кутлеш, за ова...

Александар Ѓурчев: Не се чувствувам виновен за Сонцето од Кутлеш, за ова знаме сум емотивно врзан

Во Основниот суд во Охрид денеска се одржа претрес по барањето за покренување постапка против охриѓанецот Александар Ѓурчев за истакнување на знаме со Сонцето од Кутлеш, односно сторен прекршок по член 18 од Законот за прекршоци против јавниот ред и мир.

Судијата Бојан Мартиноски го сослуша излагањето на адвокатот Тони Менкиноски, кој денеска беше во својство на бранител на обвинетиот Ѓурчев, објави ОхридПрес.

– Согласно Европската конвенција за човекови права и член 6 од истата, во која стои дека мора да постои еднаквост на оружјата, бараме судот да го обезбеди присуството на поднесувачот на пријавата за да го образложи обвинението, побара адвокатот Менкиноски.

Судот го одби ова барање, со порака дека поднесеното писмено барање е доволно и дека постапката ќе се води во рамките на процесните и материјални закони.

Обвинетиот Ѓурчев, во своето излагање пред судот истакна дека не се чувствува виновен за прекршокот за кој се товари.

– Го почитувам знамето кое го истакнав. Тоа беше национално знаме на Македонија извесен период. Сите сме сведоци дека ова знаме може да го забележиме на бројни спортски натпревари и културни манифестации и дека е општо прифатено од голем број жители во државата. Немав намера да ги омаловажам државните симболи и да ја навредам државата. На местото каде го поставив знамето немаше во близина ниту едно друго знаме, не покрив ниту едно друго знаме, немаше пароли и натписи поставени од моја страна. Уште како дете, кога ме носел мојот дедо во црква, сум го гледал насекаде ова знаме за кое сум емотивно врзан, истакна Ѓурчев.

 

Бранителот во завршните зборови побара ослободителна пресуда за обвинетиот Ѓурчев.

извор: ОхридПрес

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Фатиме Фетаи стана доктор на науки

Обвинителката Фатиме Фетаи го одбрани докторскиот труд на тема „Главна расправа во практиката – предизвици и дилеми“ на правниот факултет „Јустинијан Први“. На одбраната,...

Градоначалникот Пецаков: На мое големо задоволство, заедно со премиерот Христијан Мицкоски денеска официјално го означивме почетокот на изградбата на новата спортска сала во ООУ...

На мое големо задоволство, заедно со премиерот Христијан Мицкоски денеска официјално го означивме почетокот на изградбата на новата спортска сала во ООУ „Ванчо Николески“...

Мицкоски од Охрид: Започнуваат значајните проекти кои им беа ветени на граѓаните.

Денес сум во Охрид каде започнуваат значајни проекти ветени на граѓаните. - Ветивме и остваруваме - камен темелник на спортска сала во Лескоец. Спортската...

Тепачка помеѓу две семејства во Штип, полицијата приведе 11 лица

На 13.07.2024 во Штип, полициски службеници од СВР Штип ги лишил од слобода З.М.(27), М.С.(29),М.К.(27), А.К.(24), М.К.(50), М.К.(30), Ш.К.(52), Е.Д.(43), Џ.Д.(23), А.Д.(25) и Џ.Ј.(28)...