Мислам дека Министерството за внатрешни работи (МВР) не треба да се води по тоа да најде алиби или да најде некое решение кое ќе ја одложи примената. Дајте да се фокусираме на подобра организација на системот, на помалку парадирање, на помалку политиканство, туку на подобра организација со цел да се зголеми бројот на издадени пасоши на граѓаните“, вели Османи.
Министерот за надворешни работи Бујар Османи информира дека добиле известување оти Црна Гора ќе ги прифаќа пасошите со старото име Република Македонија доколку тие се валидни.
Информацијата Османи ја сподели денеска на прес-конференција и рече дека претходно разговарал со својот црногорски колега и се договориле Црна Гора да се обиде да го следи примерот на другите држави од ЕУ или на Швајцарија.
Меѓутоа, Османи вели дека тоа се мерки за да се олесни, како што рече, овој транзициски период.
„Мислам дека Министерството за внатрешни работи (МВР) не треба да се води по тоа да најде алиби или да најде некое решение кое ќе ја одложи примената. Дајте да се фокусираме на подобра организација на системот, на помалку парадирање, на помалку политиканство, туку на подобра организација со цел да се зголеми бројот на издадени пасоши на граѓаните“,
рече Османи.
Тој повтори дека како Министерство за надворешни работи веќе помогнале околу издавањето на патни исправи во дипломатско-конзуларните претставништва за што, како што рече, испратиле дополнителни дипломати, базни станици, се организирала работа во две смени и во викенди.
„Мислам дека ова треба да ни биде фокусот, да го зголемиме бројот на издадени пасоши, а ние паралелно ќе работиме за да им се олесни на граѓаните, но не треба тоа да ни биде водилка, односно надеж дека можеби ќе се сменат правилата на игра сами по себе и ние ќе може полабаво да ја тераме работата“,
додаде Османи.
Османи рече дека доколку има потреба може вработени во Министерството за надворешни работи, со одлука на Влада, да помогнат во МВР, но и од другите служби.
Прашан за коментар околу тоа дека државата сама си го укинува пасошот и дека со него не може да се излезе од земјата, Османи рече дека тие се закони донесени од Министерството за внатрешни работи, каде што се вели дека на 12 февруари 2024 година патните исправи стануваат невалидни.
„Тоа било веројатно во функција на имплементирање на Уставот, бидејќи членот 118 вели дека меѓународните договори ратификувани во нашето Собрание кои се дел од внатрешниот правен поредок не може да се сменат со закон. Тоа значи и да ја немаше таа законска измена, сепак Уставот е тој што е над законите. Веројатно имаше причина зошто МВР има донесено такви решенија, но мислам дека сега е време да се организираме и тоа е клучниот збор. Ние како МНР се нудиме да им помогнеме на МВР со сите наши капацитети“,
рече Османи.
360 stepeni
