Косовскиот трофеен боксер Бесар Нимани е застрелан во германскиот град Билефелд, пренесува Билд.
Убиството се случи на 9 март. Според изворот, спортистот бил убиен на излегување од фризерскиот салон. Очевидци пријавиле шест до осум истрели.
Се претпоставува дека убиството го извршила група од 5-6 лица. Брзата помош која пристигнала на местото на настанот немала време да го спаси 38-годишниот спортист, тој починал на лице место.
Нимани ја освои светската титула во велтер категорија на Меѓународната боксерска федерација (IBF). Во професионалниот ринг има 25 победи и еден пораз.
Во 2013 година, Нимани беше застрелан за време на улична тепачка. Имено, заедно со неговиот брат Берат и еден пријател – влегле во кавга во турски ресторан во близина на станицата Билефелд.
Притоа Берат удрил некого по глава со шише, но бил изваден пиштол и испукани куршуми при што се повредени пет лица, меѓу кои и Нимани.
Во таа прилика на сторителот му е изречена затворска казна од 18 месеци за непочитување на законите за оружје.
Нимани беше боксер од Косово кој се преселил во Германија како бегалец за време на косовскиот конфликт во 1997.
Не е ни чудно што елементарната правна неписменост доаѓа од партијата која за свои лични интереси...
