Градоначалникот на Гостивар Арбен Таравари, кој беше и кандидат за претседател, синоќа во емисија на ТВ21 рече дека не е забрането јавно да се користи името Македонија без „Република“ и „Северна“.
„Не е забрането кога зборуваме јавно. Често велам Македонија, ниту „Република“ ниту „Северна“. Мислам дека г-ѓа Давкова се уште е во еуфорија на изборите. Мислам дека тоа не го направи свесно. Тоа го направи подекларативно за да покаже дека има некаква доследност со изборната кампања“ рече Таравари.
Арбен Таравари синоќа во емисија на ТВ21 рече дека доколку во случај уставните измени не се донесат во период од 6 месеци, ќе размислат за своето учество во Владата.
„Ни требаа 10 години ВМРО и ДУИ, без услови, без ништо, да се изгубат, 10 години за да станат дел од НАТО. ВРЕДИ е гаранција во Владата дека под секој услов ќе инсистира преговорите со Европската Унија да почнат што поскоро и да се направат уставните измени. Тоа е услов“, кажа Таравари.
