Децата од градинката „Рада Поцева“ во посета на ОВР Кавадарци
Денеска (21.05.) од страна на полициските службеници од Отсекот за превенција при СВР Велес, со децата (голема група) од предучилишна возраст од градинката „Рада Поцева“ од Кавадарци беше спроведена превентивна активност со цел запознавање со улогата на полицијата.
Децата беа гости во службените простории на ОВР Кавадарци, каде им беа презентирани секојдневните активности и работната атмосфера на полициските службеници, додека во паркот „Револуција“ на децата им беа презентирани полициските возила, како и дел од опремата која што се користи во секојдневното извршување на работни активности.
