Во свесна состојба се сите четворица малолетници кои вчера со тешка здравствена слика беа примени на Клиниката за токсикологија.
<
Директорот на Клиниката, Андон Чибишев утрово потврди дека децата се со стабилни витални параметри.
Кај сите е докажано присуство на психоактивни супстанци. Не е докажано присуство на алкохол и немаат посериозни повреди, вели Чибишев.
Тие остануваат на Клиниката за токсикологија каде ќе продолжи нивното лекување и надзор.
Продолжува и истрагата за расчистување на целиот случај со малолетниците кои вчера во безсознание беа пронајдени во куќа во Скопје, а по пријава за нарушен јавен ред и мир.
