Повтореното судење за пожарот во модуларната болница во Тетово е одложено по втор пат, поради отсуството на адвокатот на Артан Етеми, еден од двајцата обвинети директори на Клиничката болница во Тетово.
Ова е второ одложување, откако Апелацискиот суд во Гостивар го врати предметот на повторно судење во април 2024 година, по првата пресуда на 5. јуни 2023 година. Првичното судење беше планирано за 26 јуни, но тогаш беше одложено поради отсуство на претставници од Клиничката болница Тетово.
