Првиот заменик-претседател на Владата, Изет Меџити, најави санкции за припадникот на полицијата, кој на 28 ноември го тргна албанското знаме од столб и потоа го фрли на земја.
„Побаравме да се покрене дисциплинска постапка и да се преземат мерки за одговорност против полицаецот во Куманово, кој, наместо да го одржува редот, се вмешал во нешто што не е во негова надлежност. Поставувањето и отстранувањето на знамињата е обврска на општината, во овој случај Општина Куманово, или на јавното претпријатие во општината, или во некои случаи на приватните претпријатија кои се во служба на општината или ја презеле таа задача, но не и на
полицијата. Затоа, овде нема да има компромис, туку секој што го прекршил законот ќе сноси одговорност, и оваа порака нека ја разберат сите“, изјави Меџити.
