На социјалната мрежа ТикТок се појави нов, застрашувачки тренд кој предизвика вознемиреност кај родителите и пошироката јавност.
Веќе неколку дена, интернетот е преплавен со видеа на кои се гледа како групи ученици фрлаат свој другар високо во воздух, а потоа намерно се повлекуваат, оставајќи го да падне директно на земја.
Многу предизвици на ТикТок, иако навидум невина забава, лесно можат да доведат до опасни, ако не и фатални повреди.
Оваа опасна „забава“ наречена „Супермен челинџ“ досега предизвикала сериозни повреди кај повеќе деца. Последниот инцидент се случил на 3 декември 2024 година, во село Зелениково, во близина на основното училиште, каде осумгодишно дете било тешко повредено учествувајќи во овој предизвик.
Според информациите, детето било итно пренесено во болница со сериозни повреди, а лекарите предупредуваат дека ваквите игри можат да имаат трајни последици врз здравјето на младите.
За неполни четири дена најмалку 11 средношколци завршиле со повреди и скршеници по телото само во болницата Наум Охридски.
