Милан од 21 часот на стадионот „Сан Сиро“ ќе ја дочекува Црвена Ѕвезда во шестото коло од Лигата на шампионите. Гостите беа разочарани од она што ги дочека на празниот „Сан Сиро“. Кога Звезда пристигна да одржи тренинг пред натпреварот, српските новинари на празните трибини забележаа транспарент од фан клуб на Милан на кој пишува „Косово“.
“Скандал и провокација: Знаме на Косово ги дочека играчите на Звезда на „Сан Сиро“ пред мечот со Милан” е насловот на „Телеграф“, кој додава: “Откако беше одржана конференцијата, фудбалерите на Звезда излегоа на теренот да одржат тренинг, каде налетаа на знаме со натписот на т.н. држава Косово, поточно на еден фан клуб од таа земја.”
