На предлог на градоначалникот на Дојран, Анго Ангов, Советот на Општината донесе одлука за ослободување од плаќање на надоместок за престој во градинка за сите дечиња, односно Дојран за првпат обезбедува таква социјална услуга за сите дечиња согласно капацитетот на градинката.
Според градоначалникот Ангов, ова е социјална мерка со која во време на голема инфлација излегуваат во пресрет на родителите.
Инаку, во градинката во Дојран престојуваат околу 60 деца, а месечниот надоместок кој досега го плаќаа родителите изнесуваше две илјади денари.
