Доц. д-р Сци-Мед Никола Бакрачески, еден од најреномираните и најискусни кардиолози во регионот започнува со работа во Болница Плодност
Како пионер и визионер во областа на кардиологијата, д-р Бакрачески носи со себе експертиза, иновативни пристапи и долгогодишно искуство, кои сега ќе бидат достапни за пациентите во Болница Плодност.
Искуство и достигнувања
▪️ 28 години искуство во кардиологијата со едукација во водечки центри во Европа и Америка.
▪️ Основач на регионалниот центар за интервентна кардиологија во Охрид и првата систематски организирана мрежа за лекување на акутен миокарден инфаркт.
▪️ Преку 10.000 успешно изведени стентирања и коронарографии на срцеви, вратни и артерии на нозе.
▪️ Пионер на ендоваскуларните процедури на вени во Македонија и сертифициран меѓународен инструктор.
Центар за ендоваскуларен третман на проширени вени – единствен во Македонија.
Во склоп на Болница Плодност, овој центар ќе нуди најсовремени методи за третман на венски заболувања, прв од ваков вид во земјата.
Под водство на д-р Бакрачески, пациентите ќе имаат пристап до најнови технологии и ефикасни процедури за лекување на венски проблеми.
Ендоваскуларни процедури:
▪️ Радиофреквентна аблација на проширени вени
▪️ Затворање со медицински адхезивен лепак (цианоакрилат)
▪️ Склеротерапија со етоксисклерол
▪️ Електрокоагулација на капиларни сплетови
Кардиолошки процедури:
▪️ ЕКГ и ехокардиографија (трансторакална и трансезофагеална)
▪️ Тестови на оптоварување (стрес тестови)
▪️ Холтер мониторинг (за хипертензија и ЕКГ)
▪️ Доплер на периферни артерии и вени
Прегледи и консултации ќе се изведуваат секој понеделник и четврток, а наскоро и секој ден.
