Братот на поранешниот премиер Зоран Заев, Вице Заев целосно го презеде двете струмички компании „Герас Цунев конфекција“ и „Герас Цунев трговија“.
Бизнисменот Трајче Заев му ги продаде сите акции на својот прв братучед Вице Заев кој сега со неговата компанија ДГИ „Тотал Инженеринг“ стана целосен сопственик на конфекцијата и трговската фирма, објави Македонската берза две решенија на Комисијата за хартии од вредност.
Вице Заев преку својата компанија ДГИ „Тотал Инженеринг “досега поседуваше во „Герас Цунев Конфекција “73,3 отсто од акциите, додека, пак, во „Герас Цунев Трговија“ располагаше со 73,25 проценти. Додека, пак, неговиот братучед Трајче Заев досега поседуваше 22,5 отсто од акциите во првата, и 22,14 отсто од акциите во втората компанија.
„Тотал инжинеринг“, на 7 декември лани, им понуди на сите акционери на Герас Цунев Трговија да ги дооткупи нивните преостанати 18.151 акција, по цена од 310 денари за акција. Додека, пак, за Герас Цунев Трговија понудата беше за 18.373 акции, исто така по цена од 310 денари за акција.
Акциите го чинеа Вице Заев околу 82.000 евра во ГЦ Конфекција и 83.000 евра во ГЦ Трговија или вкупно 165.000 евра.
О.К.
