Учениците од утре се враќаат во основните и средни училишта, со што почнува и второто полугодие. Дел од родителите на социјалните мрежи веќе коментираат и бараат пролонгирање на почетокот на второто полугодие на учебната 2024/2025 година поради ширењето на грипот.
„Овој грип е пострашен од оној со добар маркетинг што беше. Добро би било да се продолжи распустот. Слушам десет дена траел. Страшен е, со многу болки“, се дел од коментарите на родителите на социјалните мрежи, коментираат родители на социјалните мрежи.
Според последниот извештај на Институтот за јавно здравје (ИЈЗ), за една недела регистрирани се над 1.000 заболени од грип на територија на цела држава или за трипати е зголемен бројот на потврдени случаи на грип. Доктор Злате Мехмедовиќ, портпарол на Комисијата за заштита од заразни заболувања, за ТЕЛМА вели дека засега нема потреба од некакви мерки, ниту пак од пролонгирање на второто полугодие за учениците.
