Македонската ракометна репрезентација го освои 15. Место на СП 2025 што се одржува во Хрватска, Данска и Норвешка, откако нашите ракометари со вечерашниот пораз од Франција го завршија настапот на овој Мундијал. Поразот под девет гола разлика значеше и подобра гол-разлика од Австрија, па нашата селекција го освои четвртото место во групата, оставајќи ги зад себе Австрија и Катар.
Во рангирањето од 13. до 16. место Македонија има повеќе бодови во однос на Италија, од сите четвртопласирани селекции во групите 1 до 4. Преостанатите две групи се доигруваат во текот на утрешниот ден, но веќе е сигурно дека четвртите селекции од Загреб и од Осло ќе бидат со подобар скор од Македонија.
Така, нашиот национален тим го завршува овој светски шампионат на одличното 15. место, со скор од две победи (Катар и Гвинеја), две реми (Унгарија и Австрија) и исто толку порази (од Холандија и Франција).
ИЗВОР: Екипа
