10.9 C
Ohrid
сабота, април 26, 2025
ПочетнаМакедонијаДржавата во Македонија ќе плаќа за кратење желудник на прекумерно дебелите, а...

Државата во Македонија ќе плаќа за кратење желудник на прекумерно дебелите, а операцијата ќе се прави кај нас место во странство

spot_imgspot_imgspot_imgspot_img
spot_img

Место во странство, 40 пациенти со прекумерна дебелина ќе може да направат операција за намалување на тежината кај нас, а трошокот ќе го покрие Фондот за здравствено осигурување. Клиниката за дигестивна хирургија е подготвена до крајот на месецот или на почетокот на следниот да почне со операции. За операција ќе бидат издвоени пациенти што веќе лекуваат дебелина во центрите за дебелина кај нас, но фармаколошкиот начин на лекување и промената на животниот стил не дале резултат. Огнен Костовски, директор на Клиниката за дигестивна хирургија, е благодарен што процедурите што ќе ги изведуваат се препознаени како процедури за отстранување заболувања, а не естетски, оти дебелината е болест.

<

„Имаме буџет за 30 пациенти, кои би биле за хируршко лекување, и 10 за експандирачка капсула. Кон крајот на овој месец или следниот би можел да најавам дека би почнале првите интервенции кои би биле на товар на Фондот за здравство. Сите пациенти би биле регрутирани преку центрите за дебелина. Тоа ќе бидат оние пациенти кај кои конзервативниот третман не дал резултат. Хируршкиот тим е комплетно подготвен. Имаме соработка со два центри, двајца наши хирурзи беа на обука на Малта. Имаме соработка со центарот за минимално инвазивна хирургија во Ниш. Првите интервенции на некој начин, пластично кажано, ќе бидат и со странска рака. Не дека ние го немаме искуството, вакви интервенции кај нас се вршени и претходно, со тоа што сега веќе ќе биде стандардизирање на процедурите“, вели Костовски и нагласува дека на ваков начин обезноста ќе се третира и кај нас како што се третира во светски рамки.

За намалување на проблемите со прекумерна дебелина, директорот на Фондот за здравствено осигурување, Сашо Клековски, вели дека треба да почне да се работи во училиштата.

„Сметам дека мора да направиме исчекор во забрана на џанк-храна во школските згради и во школските дворови. Џанк-храна за мене се шеќерни производи, чипс и газирани производи со многу шеќер. Да се обидеме ужините и храната во училиштата, бидејќи тоа е времето кога се стекнуваат прехранбени навики, да имаат што повеќе свежи продукти и сè повеќе да говориме за проблемот бидејќи лесен пат нема“, рече директорот Клековски за кого на дебелината веќе не се гледа како на естетски проблем, туку здравствен.

Танер Хасан, директорот на Клиниката за ендокринологија, денес, на одбележувањето на Светскиот ден на обезност, рече дека за една и пол година, колку што постои Центарот за обезност во рамките на Клиниката, се направени речиси 2.000 прегледи, а во истиот центар во ГОБ „8 Септември“ има приближно 1.500 прегледи. Тој најави дека до мај ќе биде отворен центар за дебелина во Прилеп, а неопходно е да се отворат исти центри и во другите делови на внатрешноста на земјата.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Почина 34 годишен прилепчанец од удар од Гром !!!

Триесет и четиригодишен прилепчанец со иницијали А. Е. е лицето кое вчера попладне починало од удар од гром во селото Мажучиште, информираат од Министерството...

Ни се закануваа дека ќе не апсат-Шокантно сведоштво на родителите на загинатитите во Кочани

Си слушнавме муабет и закани дека ние, родителите на малолетните деца ќе одговараме, вели мајка на загинато дете во трагедијата во Кочани. Додека една од...

50 годишна Стружанка го натепала 80 годишниот татко !!!

На 25.04.2025 во 21.20 часот во струшко, полициски службеници од ОВР Струга ја лишија од слобода 3.М. (50), постапувајќи по претходна пријава дека во...

38 годишен охриѓанец пријавил во МВР дека неговата 26 годишна сопруга се одалечила од домот.

На 25.04.2025 во 20.50 часот во СВР Охрид, М.К. (38) од Охрид пријави дека од домот се оддалечила неговата сопруга М.К. (26). Се преземаат...