Не стивнуваат реакции по трагедијата во Кочани која се случи изминатата ноќ, а која однесе преку 60 човечки животи, претежно на млади луѓе.
Над 140 лица се хоспитализирани од кои една третина веќе се или ќе се пренесат на лекување во странство.
Кобниот настан се случи во дискотеката Пулс на настап на ДНК, а многумина сведоци и лица кои биле внатре а се преживеани како и они од надвор кои помагале сугерираат на една работа.
Имено многумина лица откако веќе излегле и се спасиле, се вратиле да бараат своите блиски и пријатели, некои се враќале и по неколкупати, а некои откако повторно влеле, веќе не излегле живи.
Токму овој потег во желба да се помогне на што повеќе придонело да се направи уште поголем хаос и блокада при единствениот влез на дискотеката. Од една страна лица кои што сакале да излезат, а од друга оние кои влегле и сакале да влезат за да и помогнат.
Сведоци велат дека и многумина кои се спасиле или оние кои дошле откако слушнале за несреќата буквално биле пред влезот и дополнително го отежнувале пристапот.
