Јавното обвинителство ќе бара краткотраен притвор за 14 лица, осомничени во случајот во која загинаа 59 луѓе во пожарот во Кочани.
Во моментот се приведени и задржани 14 лица во полициските станици, меѓу кои е и поранешниот министер Крешник Бектеши. Државниот обвинитиел Љупчо Коцевски рече дека одговорност кај осомничените ќе се утврдува согласно доказите.
Тој информираше дека најголемиот дел од осомничените се испитуваат за кривичното дело „тешки дела против безбедноста на луѓето“, за кое се предвидени затворски казни од најмалку 3 до најмногу 20 години. Се испитува давање поткуп, како и незаконска набавка на пиротехнички средства.
Во оваа фаза од постапката може да им биде одреден само 48-часовен притвор, но по формално отворање на истрагата, постои можност притворот да биде продолжен и на 30 дена.
„Полицијата е овластена да уапси секого, без разлика на последицата, а кој допринел со неговото однесување“, рече Коцевски.
За лицата кои се во тешка здравствена состојба, а се осомничени, постапката ќе продолжи штом тие бидат подобро.
Коцевски уште еднаш вети дека истрагата ќе биде брза и ефикасна, дека ќе бидат изнесени пред суд сите одговорни за овој немил настан. Тој нагласи дека ја разбира тагата и гневот кај граѓаните, рече дека и тој како обвинител го чувствува истото, но дека во овој момент потребно е да се обединиме.
